*गुजरात मत्स्यव्यवसाय खात्याचे डेप्युटी डायरेक्टर यांची

पाकिस्तानच्या ताब्यातील मच्छीमारांना सोडण्याची मागणी

पालघर, ता. १४ (बातमीदार) ः राष्ट्रीय मच्छीमार संघटनेचे अध्यक्ष रामकृष्ण तांडेल यांनी पाकिस्तानात बंदी केलेल्या खलाशांना सोडवण्याकरिता गुजरातमधील अधिकाऱ्यांची भेट घेतली.
कांचन मेहेर (रा. सातपाटी) यांचे वडील नामदेव बाळकृष्ण मेहेर हे ओखा येथे नलनारायण मासेमारी बोटीवर खलाशी आहेत. या बोटीवर फायरिंग झाले आणि बोट पाकिस्तानने ताब्यात घेतल्याची माहिती रामकृष्ण तांडेल यांना त्यांंनी दिली. त्याप्रमाणे राष्ट्रीय मच्छीमार संघटनेचे अध्यक्ष रामकृष्ण तांडेल यांनी ओखा, पोरबंदर येथील बोट असोसिएशनचे अध्यक्ष मनोज मोरी, जीवन जुंगी, मधू भाई यांना याबाबत माहिती दिली. तसेच ज्येष्ठ पत्रकार जतीन देसाई यांनाही सांगितले. आता सात खलाशी पाकिस्तानच्या अटकेत आहेत. त्यांना लवकरात लवकर सोडवण्याची विनंती तांडेल यांनी अधिकाऱ्यांना केली.

बोटीत एकूण आठ खलाशी होते...
१) मितेश रामगी - वानकबारा
२) बंभानिया मोहन राणाभाई - जुनागड
३) बामणीया करण प्रेमजी - दिव
४) नामदेव बाळकृष्ण मेहेर - सातपाटी - पालघर
५) समाजी वरजंग - वाणकबारा ६) पंजारी निलेशभाय रमेशभाय - जुनागड
७) बारिया तरुण सिदीभाई - सुतारपाडा -गिरनार
८) सिकोतरिया भारत दिलीप - वानकबारा