चार वर्षीय हरवलेली मुलगी तिसऱ्या दिवशी जंगलात सापडली

चारवर्षीय हरवलेली मुलगी जंगलात सापडली

पेण, ता. १४ (वार्ताहर) : तालुक्यातील हेटवणे वाडी येथील चारवर्षीय चिमुकली अचानकपणे बुधवारी बेपत्ता झाली होती. अखेर तिसऱ्या दिवशी ही मुलगी जंगलात सापडली. आजीसोबत गेली असताना ही मुलगी बेपत्ता झाली होती. जवळ असलेल्या घनदाट जंगलामुळे शोधकार्यात अडथळे निर्माण होत होते. त्यातच मुलीचा ड्रेस आणि चप्पल मिळाल्याने वेगवेगळे तर्कवितर्क काढण्यात येत होते. पोलिसांनी तपासकार्यात गती वाढविली. मुलीचा शोध घेत असताना ती जंगलात झुडपात रडत असल्याचा आवाज आला. ती सुखरूप सापडली आहे. याबाबत ग्रामस्थांनी पोलिसांचे आभार मानले आहेत.