सिडकोच्या रखडलेल्या कामांवर चर्चा

सिडकोच्या रखडलेल्या कामांवर चर्चा
आमदार मंदा म्हात्रे यांच्याकडून सिडको व्यवस्थापकांची भेट
तुर्भे, ता. १६ (बातमीदार) : बेलापूर, सीवूड्स, नेरूळ, जुईनगर, सानपाडा, तुर्भे, वाशी येथील विविध प्रश्नांवर चर्चा करण्यात आली. मंदा म्हात्रे यांनी शुक्रवारी (ता. १४) सिडको व्यवस्थापकीय संचालक विजय सिंघल यांची भेट घेऊन बेलापूर मतदारसंघातील विविध प्रश्नांवर चर्चा केली.
नवी मुंबईतील सर्व धार्मिक स्थळांचा सर्व्हे करून ५०० मीटरचा सामाजिक दर लावून धार्मिक स्थळे नियमित करावी, नवीन काही छोटे भूखंड आहेत, धार्मिक स्थळांसाठी आरक्षित ठेवणे, फुलपाखरू उद्यान उभारणेकरिता सारसोळे पामबीच लगत असलेल्या १२ एकर भूखंड नवी मुंबई महापालिकेला हस्तांतरण करणे, दारावे गावाकरिता से-२३, भूखंड क्रमांक ए १३ येथील भूखंड मच्छी व भाजी मार्केटकरिता महापालिकेला हस्तांतरित करणे, बेलापूर गावातील भूखंड क्रमांक डी ९ ते १६ एफ २५ भूखंड मैदानासाठी हस्तांतरित करणे, सीवूड्स येथील से-४४, भूखंड क्रमांक १६२ किंवा भूखंड क्रमांक ५२ हा करावे गावातील नागरिकांकरिता समाज मंदिरासाठी हस्तांतरित करणे, अशा अनेक विविध प्रश्न संबंधित अधिकाऱ्यांसमोर उपस्थित केले. या सर्व प्रश्नांवर सिडको व्यवस्थापकीय संचालक विजय सिंघल यांनी मार्गी लावण्यात येणार असल्याचे सांगितले. या वेळी आमदार म्हात्रे यांच्या माजी नीलेश म्हात्रे, सह व्यवस्थापकीय संचालक-२ शांतनू गोयल, सह व्यवस्थापकीय संचालक-३ गणेश देशमुख, प्रमोद जोशी, प्रवीण भगत, अशोक विधाते, शंकर पटेल, दत्ता पाटील, देवी सिंग, मंदिराचे विश्वस्त व सदस्य उपस्थित होते.