नाल्यात आढळला तरुणाचा मृतदेह

नाल्यात आढळला तरुणाचा मृतदेह
नवी मुंबई (वार्ताहर): जुईनगर रेल्वेस्थानक समोरील पुणे-मुंबई महामार्गालगतच्या नाल्यात २० ते २५ वयोगटातील तरुणाचा मृतदेह आढळला होता. या तरुणाची हत्या झाल्यााच संशय असल्याने नेरूळ पोलिसांच्या पथकाने त्या अनुषंगाने तपासाला सुरुवात केली आहे.
पुणे-मुंबई महामार्गालगत जुईनगर रेल्वेस्थानकसमोरील नाल्यामध्ये गुरुवारी सकाळी एका तरुणाचा मृतदेह आढळून आला. याबाबतची माहिती मिळाल्यानंतर नेरूळ पोलिसांनी घटनास्थळी धाव घेऊन २० ते २५ वयोगटातील तरुणाचा मृतदेह ताब्यात घेतला. त्याच्या डोक्यावर अवजड हत्याराने हल्ला करण्यात आल्याचे प्रथमदर्शनी दिसून आले आहे. हत्या केल्यानंतर मृतदेह मुंबई पुणे महामार्गालगतच्या नाल्यामध्ये टाकल्याची शक्यता व्यक्त करण्यात येत आहे. त्यामुळे नेरूळ पोलिसांसह नवी मुंबई गुन्हे शाखेच्या पथकाकडून या प्रकरणाचा तपास सुरू आहे.
----------------------------
ओळख पटवण्याचे आव्हान
पोलिसांनी मृत तरुणाची ओळख पटविण्यासाठी तसेच आरोपींचा शोध घेण्यासाठी पोलिसांचे वेगवेगळी पथके तयार केली आहेत. तसेच तरुणाचा मृतदेह वाशी येथील महापालिका रुग्णालयात शवविच्छेदनासाठी पाठवण्यात आला आहे.