आशागड प्राथमिक आरोग्य केंद्रातील वैद्यकीय अधिकाऱ्यांवर कारवाई
पालघर, ता. २० (बातमीदा) ः प्राथमिक आरोग्य केंद्र अशागड तालुका डहाणू येथे वैद्यकीय अधिकारी कामावर उपस्थित नव्हते. याची गंभीर दखल घेत, त्यांच्यावर कारवाईचा बडगा उगारण्यात आला आहे. याप्रकरणी मुख्य कार्यकारी अधिकारी जिल्हा परिषद पालघर यांच्या निर्देशानुसार जिल्हा आरोग्य अधिकारी यांनी चौकशी समिती स्थापन केली होती.
या चौकशी समितीच्या अहवालानुसार सर्व कार्यरत वैद्यकीय अधिकाऱ्यांपैकी एकही अधिकारी घटनेच्यावेळी हजर नव्हते. त्यामुळे प्राथमिक आरोग्य केंद्रातील सर्व वैद्यकीय अधिकाऱ्यांवर तात्काळ कारवाई करण्यात आली आहे. तसेच कंत्राटी वैद्यकीय अधिकारी डॉ. रूपाली मालवणकर व डॉ. कृतिका जनाठे यांची सेवा समाप्त करण्यात आली आहे, तर नियमित वैद्यकीय अधिकारी डॉ. क्षितिजा पाटील यांना सेवेतून निलंबित करण्यात आले आहे. प्राथमिक आरोग्य केंद्राचा कार्यभार अन्य वैद्यकिय अधिकाऱ्यांकडे देण्यात आल्याचे जिल्हा वैद्यकीय अधिकाऱ्याकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.