पश्चिम रेल्वेची ७ महिन्यांत १२१ कोटींची दंडवसुली

पश्चिम रेल्वेचा
फुकट्यांना दणका
सात महिन्यांत १२१.६७ कोटींची दंडवसुली
सकाळ वृत्तसेवा
मुंबई, ता. २० : पश्चिम रेल्वेने विनातिकीट प्रवाशांविरोधात कारवाईचा बडगा उगारून एप्रिल ते ऑक्टोबर या सात महिन्यांत १९ लाख फुकट्यांकडून १२१ कोटी ६७ लाख रुपयांचा दंड वसूल करण्यात आला. गेल्या वर्षी याच कालावधीपेक्षा ५१ टक्के जास्त वसुली झाली असून, रेल्वे बोर्डाच्या उद्दिष्टापेक्षा १४ टक्के अधिक आहे.
ऑक्टाेबरमध्ये २४ कोटींपेक्षा जास्त दंडवसुली केली असून, मे २०२२ मधील २६ कोटींच्या सर्वोच्च नोंदीनंतर हा दुसरा सर्वोत्तम मासिक विक्रम आहे, असे पश्चिम रेल्वेचे मुख्य जनसंपर्क अधिकारी विनीत अभिषेक यांनी सांगितले. तपासणी पथकांची संख्या वाढवण्यात आली असून, गाड्या आणि स्थानक परिसरात अचानक तपासणी केली जात आहे.
-----
ऑक्टोबरमध्ये महसुली विक्रम
अक्टोबरमध्ये पश्चिम रेल्वेने दैनंदिन महसूल मिळवण्यात अनेक नवे विक्रम प्रस्थापित केले. १७ ऑक्टोबरला पश्चिम रेल्वेने तब्बल एक काेटी ४० लाख रुपयांची कमाई केली. त्यानंतर १८ ऑक्टोबरला अहमदाबाद विभागाने ३८ लाखांहून अधिक, तर रतलाम विभागाने सुमारे १६ लाखांचा महसूल मिळवला.