राष्ट्रवादी शरद पवार पक्षाची संदीप नाईक यांना खुली ऑफर

संदीप नाईक यांनी पुढाकार घ्यावा
वाशी, ता. २० (बातमीदार) ः आगामी नवी मुंबई महापालिकेच्या निवडणुकीमध्ये माजी आमदार संदीप नाईक यांनी उमेदवार उभे करण्यासाठी पुढाकार घावा. आपण त्यांचे स्वागतच करू, असे स्पष्ट संकेत राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे यांनी दिले आहेत. नवी मुंबईत संदीप नाईक यांना मानणारा मोठा वर्ग आहे. संदीप नाईक यांच्या भाजप प्रवेशाच्या सतत चर्चा सुरू असतात. या पार्श्वभूमीवर राष्ट्रवादी काँग्रेसने संदीप नाईक यांच्या नेतृत्वाचा नवी मुंबई पालिका निवडणुकीमध्ये उपयोग करून घेण्याच्या दृष्टीने पुन्हा एकदा त्यांना आवाहन केले आहे. विधानसभा निवडणुकीत संदीप नाईक यांच्या प्रवेशाने राष्ट्रवादी काँग्रेस पक्षाला नवी मुंबईमध्ये मोठी ताकद मिळाली होती.