कानिफनाथ मंदिरातील जुन्या पुजाऱ्याची

पुजाऱ्याची पुजाऱ्याला मारहाण

सकाळ वृत्तसेवा
ठाणे, ता. २० ः वागळे इस्टेट परिसरातील कानिफनाथ मंदिर सेवा समितीच्या अध्यक्षपदावरून हटवल्याच्या रागातून एका पुजाऱ्याने दुसऱ्या पुजाऱ्याला मारहाण केल्याचा प्रकार घडला आहे. याप्रकरणी सात जणांविरोधात गुन्हा दाखल करण्यात आला आहे.
पोलिसांनी दिलेल्या माहितीवरून, वागळे इस्टेट रायलादेवी तलाव येथे असलेल्या कानिफनाथ मंदिरात निरंजन कदम गेले होते. त्या वेळी सुनील मिरगुडे, रोहन नेटके, मनोज नेटके, अथर्व सानप, रोहिदास वाढवले आणि इतर दोन अनोळखी व्यक्ती अशा सात जणांनी कदम यांना शिवीगाळ करीत मारहाण केली. यादरम्यान तक्रारदार यांच्या गळ्यातील तीन तोळ्यांची सोन्याची चेन गहाळ झाली. जखमी निरंजन कदम यांच्यावर ठाणे जिल्हा शासकीय रुग्णालयात उपचार सुरू आहेत.