मुलुंडमध्ये हरिनाम किर्तन सप्ताह

मुलुंडमध्ये हरिनाम कीर्तन सप्ताह
मुलुंड, ता. २३ (बातमीदार) ः श्री हनुमान प्रासादिक वारकरी सांप्रदायिक भजन मंडळ, मुलुंड यांच्या तर्फे मुलुंडमध्ये श्री पांडुरंग नामकीर्तन सप्ताह उत्सवाचे आयोजन करण्यात आले आहे. या सप्ताहामध्ये ग्रंथराज ज्ञानेश्वरी पारायण शुक्रवार (ता. २१) ते शुक्रवार (ता. २८) या कालावधीत करण्यात आले आहे.
मुलुंड पूर्वेतील वारकरी भवन, वीर सावरकर मार्ग, अग्निशामक दलासमोर हा सप्ताह होणार आहे. कीर्तनकार हभप रमेश महाराज कचरे, ज्ञानेश्वर महाराज ठाकरे, पुरुषोत्तम महाराज तळपे, संपत महाराज हांडे, अमृत महाराज गाडे, यशवंत महाराज पाटील, शिवाजी महाराज तळेकर, तुषार महाराज शिंदे आदींचे कीर्तन या वेळी होणार आहे.
ज्ञानेश्वरी पारायण चिन्मय मिशन देवी ग्रुप महिला मंडळ मुलुंड पूर्व यांच्या तर्फे दररोज दुपारी २ ते ६ या वेळेत होणार आहे. या पारायण सोहळ्याचे आयोजन श्रीकांत जोशी, सुषमा जोशी यांच्या मार्गदर्शनाखाली करण्यात आले आहे. कीर्तन सोहळा दररोज ७.३० ते ९.३० या कालावधीत होणार आहे.
पालखी सोहळा शुक्रवारी (ता. २८) सायंकाळी ४ वाजता होणार असून श्रींंची पालखी मिरवणूक होईल. त्‍यानंतर महाप्रसाद आणि काल्याचे कीर्तन होणार आहे.