इएसआयसी स्टेशन ‘हरे राम हरे कृष्णा’ होणार

ईएसआयसी स्थानक ‘हरे राम हरे कृष्णा’ होणार
जोगेश्‍वरी, ता. २२ (बातमीदार) : खासदार रवींद्र वायकर आणि एमएमआरडीए आयुक्त संजय मुखर्जी यांच्या बैठकीत ईएसआयसी मेट्रो स्थानकाचे नाव ‘हरे राम हरे कृष्णा मेट्रो’ असे करण्यास मंजुरी मिळाली. उपमुख्यमंत्री एकनाथ शिंदे यांच्या अंतिम मान्यतेनंतर हा बदल होईल. मोगरा स्थानकाचे नाव ‘शंकरवाडी’ आणि बांगुरनगरजवळील स्थानकाचे नाव ‘अय्यप्पा मंदिर बांगुरनगर’ करण्यासाठी प्रस्ताव तयार केला जाईल. ‘मेट्रो लाइन ६’ मार्च २०२६ पर्यंत आणि ‘लाइन ७’ मार्च २०२७ पर्यंत सुरू करण्याचे आश्वासन बैठकीत देण्यात आले.
त्रिचरण सप्तकार सहकारी गृहनिर्माण संस्थेतील झोपडपट्टी पुनर्वसन प्रकल्पासाठी म्हाडा, एसआरए आणि नगरविकास यांची संयुक्त बैठक घेऊन रहिवाशांना घरे देण्याचा निर्णय घेण्यात येणार आहे. मेट्रो पुलांवर साऊंड बॅरिअर, विविध रस्त्यांची कामे, पादचारी पूल खुला करणे आणि वाहतूक सुधारणांच्या प्रलंबित कामांना गती देण्याचा निर्णय झाला. तर राम मंदिर येथील सिग्मा हाइट्स सोसायटीचे रजिस्ट्रेशन प्रमाणपत्र रहिवाशांना प्रदान करण्यात आले.