पाच कोटी ५० लाखांच्या चरससह एकाला अटक

पाच कोटी ५० लाखांच्या चरससह एकाला अटक

सकाळ वृत्तसेवा
ठाणे, ता.२२ : पश्चिम बंगाल येथील शनवर अन्वर अली (वय ३८) याला ५ कोटी ५० लाखांच्या चरससह वागळे इस्टेट गुन्हे शाखेच्या पोलिसांनी अटक केली. अली याने हा मुद्देमाल नेपाळी व्यक्तीकडून घेतल्याचे तपासात पुढे आले आहे. अली विरोधात कापूरबावडी पोलिस ठाण्यात गुन्हा दाखल करण्यात आला आहे.
साकेत रोड ते बाळकुम पाडा नंबर २ दरम्यान अली चरस विक्रीसाठी शुक्रवारी (ता.२१) येणार असल्याची माहिती वागळे इस्टेट गुन्हे शाखेचे वरिष्ठ पोलिस निरीक्षक सलील भोसले यांनी मिळाली होती. त्यानुसार, सहायक पोलिस निरीक्षक भूषण शिंदे, जगदीश गावित यांच्या पथकाने सापळा रचला होता. अलीच्या बॅगेत ५०५ ग्रॅम वजनाची चरसची दहा पाकीट आणि कपडे मिळाले. त्याची एकूण किंमत ५ कोटी ५० लाख आहे. तसेच रोख रक्कम आणि मोबाईल असा ५ हजार ५६५ रुपयांचा ऐवज पोलिसांना मिळाला. पुढील तपास वागळे इस्टेट गुन्हे शाखेचे पोलिस करत आहेत.