कार धडकुन दोन तरुणांचा मृत्यू

कंटेनर-कार अपघातात दोन ठार
पनवेल, ता. २२ (वार्ताहर) ः नेरूळ येथून पनवेलला जाणारी भरधाव कार पुढच्या कंटेनरवर धडकल्याने झालेल्या अपघातात कारमधील दोन तरुणांचा मृत्यू झाला. तर चालकासह चार जण जखमी झाले. ही घटना शुक्रवारी (ता. २१) मध्यरात्री जेएनपीटी-पनवेल मार्गावर घडली. याप्रकरणी पनवेल शहर पोलिसांनी कारचालकाविरोधात गुन्हा दाखल केला आहे. या अपघातात हितेंद्र संजय पाटील (वय २२, रा. करावे गाव) व श्रीनाथ मोहन चंद्रशेखर (२२, रा. नेरूळ सेक्टर ६) यांचा मृत्यू झाला. तर चालक हर्ष संतोष पाटील (२१) व त्यांचे इतर तीन मित्र जखमी झाले आहेत.