घरफोडीत अडीच लाखांचा ऐवज चोरीला

घरफोडीत अडीच लाखांचा ऐवज चोरीला

ठाणे, ता. २२ ः येथील मानपाडा, नवीन पाण्याची टाकी असलेल्या कांचनगंगा चाळीत चोरी झाली. अनिता नामे (५८) यांच्या बंद घराचे कडी-कोंयडा शुक्रवारी (ता. २१) दुपारी तोडून चोरट्याने घरातून अडीच लाखांचा ऐवज घेऊन पोबारा केला. ही घटना घडली त्या वेळी तक्रारदार आणि त्यांचा मुलगा हे कामावर गेले होते. ते कामावरून घरी आल्यावर त्यांना घराची कडी तुटलेली दिसली. तसेच घरातील सामान अस्ताव्यस्त दिसले. तसेच त्याच्या घरातील लोखंडी कपाटाच्या लॉकरमध्ये ठेवलेले सोन्याचे दागिने दिसले नाही. यामध्ये एक लाख ६९ हजारांचे मंगळसूत्र, ५० हजारांचा लक्ष्मी हार, २९ हजारांचे सोन्याचे झुमके असा दोन लाख ४८ हजारांचा ऐवज चोरीला गेल्याचे त्यांनी दिलेल्या तक्रारीत नमूद केले आहे. याप्रकरणी कापूरबावडी पोलिस ठाण्यात गुन्हा दाखल झाला आहे.