अभिनेता सुमित चेलानी काळाच्या पडद्याआड

वाहन अपघातात सिंधी अभिनेता सुमीत चेलानीचे निधन
उल्हासनगर, ता. २३ (वार्ताहर) : अंबरनाथ उड्डाणपुलावर शुक्रवारी (ता. २१) सायंकाळी ६.३० वाजता झालेल्या कार-दुचाकीच्या अपघातात उल्हासनगर कॅम्प-३ मधील सिंधी अभिनेता आणि व्लॉगर सुमीत चेलानी (वय २७) यांचा मृत्यू झाला. या दुर्घटनेत चार जणांचा मृत्यू झाला असून, सुमीतच्या निधनाने उल्हासनगर परिसरात शोककळा पसरली आहे.
सुमीत हा समाजमाध्यमांवरील उत्साही चेहरा होता, त्याने सिंधी चित्रपटातही भूमिका साकारली होती. कलात्मक क्षेत्रात मोठे करिअर घडवण्याचे त्याचे स्वप्न होते. उड्डाणपुलावरून दुचाकीरून घरी परतत असताना भरधाव वेगाने आलेल्या टाटा नेक्सन कारने त्याला जोरदार धडक दिली. यात त्याचा जागीच मृत्यू झाला. अंबरनाथ पोलिसांनी मृत कारचालक लक्ष्मण शिंदे याच्यावर गुन्हा दाखल केला आहे. सुमीतच्या आकस्मिक निधनाने कुटुंबीय पूर्णपणे कोसळले असून, हा केवळ अपघात नसून उगवत्या कलाकाराच्या स्वप्नांचा अंत असल्याची भावना उल्हासनगरमधील तरुणाई व्यक्त करीत आहे.