ठामपा सेवानिवृत्त अधिकाऱ्याला मारहाण

ठामपा सेवानिवृत्त अधिकाऱ्याला मारहाण
सकाळ वृत्तसेवा
ठाणे, ता. २३ : ठाणे महापालिकेचे सेवानिवृत्त अधिकारी महेश अहेर यांना तीन अनोळखी व्यक्तींनी मारहाण केली. याप्रकरणी चितळसर पोलिस ठाण्यात गुन्हा नोंदविण्यात आला आहे. हा प्रकार शनिवारी (ता. २२) सायंकाळी घडला.
माजिवडा येथे राहणारे अहेर हे पत्नीसह एका हॉटेलमध्ये शनिवारी सायंकाळी नाष्टा करण्यासाठी गेले होते. या वेळी तीन अनोळखी व्यक्ती तेथे आले. त्यांनी लावलेली गाडी तुमची आहे का, अशी विचारणा केली. अहेर यांनी नाही म्हटल्यावर त्यांना लाथाबुक्क्यांनी मारहाण करत शिवीगाळ करण्यात आली. पुढील तपास चितळसर पोलिस करीत आहेत.