विद्यार्थांनी तंत्रज्ञानात करिअर घडवावे : ॲड. आशीष शेलार

विद्यार्थ्यांनी तंत्रज्ञानात करिअर घडवावे : ॲड. आशीष शेलार
घाटकोपर, ता. २४ (बातमीदार) : माहिती तंत्रज्ञान व सांस्कृतिक व्यवहार मंत्री ॲड. आशीष शेलार यांनी नुकतेच घाटकोपर येथील मॅक मॅनिफेस्ट कार्यक्रमात विद्यार्थ्यांना मार्गदर्शन केले. महाराष्ट्रातील एव्हीजीसी-एक्सआर परिसंस्थेचा विकास आणि संधी यावर त्यांनी विद्यार्थ्यांशी संवाद साधला.
मुंबई आणि महाराष्ट्रातील माध्यमे व संस्कृती परिसंस्थेला शिक्षण, वारसा आणि अत्याधुनिक तंत्रज्ञानाच्या माध्यमातून बळकटी देणे, हे राज्याचे स्पष्ट धोरण आहे, असे आशीष शेलार यांनी या वेळी सांगितले. सरकारचा धोरणात्मक पाठिंबा आणि उद्योग-शैक्षणिक संस्थांमधील सहयोग यामुळे अ‍ॅनिमेशन, व्हीएफएक्स, गेमिंग आणि डिजिटल डिझाइन या क्षेत्रात तरुण कलाकार व क्रिएटर्ससाठी नवीन दालने खुली होत आहेत. तसेच बदलत्या स्टुडिओंच्या गरजा व उदयोन्मुख प्लॅटफॉर्म्सनुसार विद्यार्थ्यांचे कौशल्य विकसित करण्यावर लक्ष केंद्रित करणे आवश्यक आहे, असेही शेलार यांनी स्पष्ट केले.