माजी पदाधिकारी पुन्हा मनसेत स्वगृही परतणार

माजी पदाधिकारी पुन्हा
मनसेत स्वगृही परतणार
कल्याण, ता. २४ (वार्ताहर) : भारतीय जनता पक्षात प्रवेश केलेले मनसेचे माजी नगरसेवक आणि माजी शहर अध्यक्ष हे पुन्हा स्वगृही मनसेमध्ये परतणार आहेत. याबाबत महाराष्ट्र नवनिर्माण टेलिकॉम सेना महाराष्ट्र प्रदेश सरचिटणीस निर्मल निगडे यांच्या माध्यमातून त्यांनी आज मनसेचे नेते आणि माजी आमदार राजू पाटील यांची भेट घेतली. मनसे अध्यक्ष राज ठाकरे यांच्या हस्ते लवकरच हा पक्ष प्रवेश केला जाणार आहे. माजी नगरसेवक तथा माजी शहर अध्यक्ष अनंता गायकवाड, माजी नगरसेविका भारती कुमरे माजी शहर अध्यक्ष प्रभाकर गायकवाड यांचा समावेश आहे, अशी माहिती निगडे यांनी दिली.