त्रिभाषा धोरण निश्चित करण्याबाबतची समित शुक्रवारी मुंबईत

डॉ. जाधव समिती शुक्रवारी मुंबईत
मुंबई, ता. २४ : राज्यातील शाळांमध्ये त्रिभाषा धोरण निश्चित करण्याबाबत डॉ. नरेंद्र जाधव समिती शुक्रवारी (ता. २८) मुंबईत यशवंतराव चव्हाण सेंटर येथे विविध घटकांशी संवाद साधणार आहे. ही समिती सकाळी नऊ वाजल्यापासून सामान्य नागरिकांसह भाषातज्‍ज्ञ, राजकीय पक्षांचे नेते/ लोकप्रतिनिधी, शिक्षक-पालक संघटना, आंदोलकांबरोबर संवाद साधणार असून, त्रिभाषा धोरणासंदर्भात त्यांची मते व विचार जाणून घेणार आहे. त्यानंतर दुपारी ३ ते ५ दरम्यान दूरदृश्‍यप्रणालीद्वारे ठाणे, रायगड आणि पालघर जिल्ह्यांतील संबंधितांशी संवाद साधणार आहे, अशी माहिती विभागीय शिक्षण उपसंचालक राजेश कंकाळ यांनी दिली.