आयआयटी मुंबईत ''क्रायोजेनिक्स'' आणि ''क्वांटम'' च्या पर्वाला सुरूवात

आयआयटी मुंबईत ‘क्रायोजेनिक्स’ला सुरुवात
मुंबई, ता. २४ : आयआयटी मुंबईत देशातील पहिली लिक्वीड हेलियम ‘क्रायोजेनिक्स’ फॅसिलिटीसोबतच स्वदेशी, अत्याधुनिक क्वांटम सेन्सिंग प्रणालीला सुरुवात झाली असून, त्याचे उद्धाटन आज केंद्रीय विज्ञान आणि तंत्रज्ञान राज्य मंत्री डॉ. जितेंद्र सिंह यांच्या हस्ते झाले. क्वांटम तंत्रज्ञान, क्रायोजेनिक्स आणि बायोमेडिकल इनोव्हेशनच्या दिशेने टाकलेले हे पाऊल विकसित भारतच्या संकल्पनेला मूर्त रूप देणारे असल्याचे केंद्रीय मंत्री डॉ. सिंग यांनी सांगितले. डॉ. सिंह यांनी भारतासाठी अनेक दशके दूरगामी परिणाम करणारी आहे, ही देशातील पहिली लोकॉस्ट, हाय इफिसिएन्सी लिक्वीड हेलियम ‘क्रायोजेनिक्स’ फॅसिलिटी असून, या सुविधेमुळे देशाला क्रायोजेनिक तंत्रज्ञानात आत्मनिर्भर बनवेल, असा विश्वासही त्यांनी व्यक्त केला. आयआयटी मुंबईने विकसित केलेली क्यू कॉन्फोकल मायक्रोस्कॉपी सिस्टीम ही आरोग्यसेवेसाठी एक मोठे वरदान ठरणार आहे.