राज ठाकरे यांच्याबद्दल आक्षेपार्ह वक्तव्य

राज ठाकरे यांच्याबद्दल
आक्षेपार्ह वक्तव्य
सकाळ वृत्तसेवा
ठाणे, ता. २४ : महाराष्ट्र नवनिर्माण सेनेचे अध्यक्ष राज ठाकरे आणि ठाणे जिल्हाध्यक्ष अविनाश जाधव यांच्याबाबत आक्षेपार्ह वक्तव्य केल्याप्रकरणी चितळसर पोलिस ठाण्यात दोन रिक्षाचालक भावांविरुद्ध गुन्हा दाखल करण्यात आला आहे. याप्रकरणी शैलेद्र संतोष यादव (वय ३५, रा. गांधीनगर) याला अटक करण्यात आली असून राकेश यादव याचा शोध सुरू आहे.
सोशल मीडियावर व्हायरल व्हिडिओनंतर ही कारवाई करण्यात आली. याप्रकरणी मनसे ठाणे प्रभाग क्रमांक पाचचे उपविभाग अध्यक्ष रवींद्र महाले यांनी चितळसर पोलिस ठाण्यात धाव घेऊन तक्रार दाखल केली. त्यानुसार चितळसर पोलिसांनी गुन्हा दाखल करून शैलेंद्रला अटक केली, अशी माहिती वरिष्ठ पोलिस निरीक्षक सुनील वरुडे यांनी दिली.