वृद्ध सासूची जावयाकडून हत्या

वृद्ध सासूची जावयाकडून हत्या
उलवे, ता. २५ (बातमीदार) ः तालुक्यातील मोठे भोम गावात हिराबाई जोशी (वय ९०) यांचा मृतदेह सापडला होता. या प्रकरणात उरण पोलिसांनी
जोशी यांचा जावई सुरेश पाटीलला अटक केली आहे.
उरण तालुक्यातील मोठे भोम गावात हिराबाई जोशी यांचा मृतदेह सापडला होता. सुरुवातीला ही नैसर्गिक घटना मानली जात होती; मात्र शवविच्छेदन अहवालात हिराबाई यांचा मृत्यू बेदम मारहाणीमुळे झाल्याचे उघड झाले होते. या वेळी घटनास्थळी लाकडी पट्ट्या तसेच शरीरावर गंभीर जखमा आढळल्या होत्या. त्यामुळे पैशांसाठी ही मारहाण झाल्याचे स्पष्ट झाले असून न्यायालयाने आरोपीला चार दिवसांची पोलिस कोठडी सुनावली आहे.