खारघरमध्ये टॉवरला आग

खारघर, ता. २५ (बातमीदार) ः खारघर सेक्टर ३५ डी मधील एका या टॉवरमध्ये आग लागली. या आगीमुळे वीजपुरवठा खंडित होऊन लिफ्ट बंद पडली. त्यामुळे घरात अडकलेली लहान मुले, महिला आणि वृद्ध व्यक्तींना खारघर अग्निशमन जवानांनी वेळीच बाहेर काढले.
खारघर सेक्टर ३५ डीमध्ये व्हीयूब पॅराडाइज हा १७ मजली टॉवर आहे. दुपारी टॉवरमधील डक्टमध्ये आग लागल्याचे अग्निशमन जवानांच्या निदर्शनास आले. लिफ्ट बंद पडल्याने अग्निशमन जवानांनी टॉवरमध्ये अडकलेल्या व्यक्तींना बाहेर काढून आग आटोक्यात आणली. डक्टमध्ये लागलेल्या आगीमुळे टॉवरमधील संपूर्ण वीजपुरवठा खंडित झाला आहे.