रिक्षात राहिलेले ५ तोळ्यांचे सोन्याचे दागिने परत

रिक्षात विसरलेले पाच तोळ्यांचे सोने परत
सकाळ वृत्तसेवा
ठाणे, ता. २६ : नौपाडा पोलिसांना रिक्षात विसरलेल्या बॅगेसह पाच तोळे सोन्याचे दागिने परत मिळवून देण्यात यश आले आहे. या पोलिसांच्या या तप्रतत्पर कारवाईचे नागरिकांकडून कौतुक होत आहे..
कल्याणमधील खडकपाडा येथील सुभाष कसबे हे काही कामानिमित्त मंगळवारी (ता. २५) ठाण्यातील वागळे इस्टेट परिसरात आले होते. तेथून ते रिक्षाने ठाणे स्थानकाला जाण्यासाठी सकाळी साडेअकरा वाजण्याच्या सुमारास रिक्षात बसले. स्थानकात पोहोचताच सुभाष घाई गडबडीत बॅग रिक्षातच विसरले. काही वेळाने बॅग नसल्याचे लक्षात येताच, कसबे यांनी नौपाडा पोलिस ठाण्यात धाव घेत तक्रार दिली. तात्काळ नौपाडा पोलिस ठाण्याचे वरिष्ठ पोलिस निरीक्षक अभय महाजन यांच्या मार्गदर्शनाखाली तपास पथकाने तांत्रिक तपास करून रिक्षाचा नंबर शोधून हरवलेला मुद्देमालाची बॅग सुभाष कसबे यांच्याकडे सुपूर्द केली.