बीएएमएस, बीएचएमएस प्रवेशांसाठी विशेष फेरी

बीएएमएस, बीएचएमएस प्रवेशांसाठी विशेष फेरी

मुंबई, ता. २६ ः राज्यातील काही नामांकित महाविद्यालयांमध्ये बीएएमएस, बीएचएमएस, बीयूएमएसच्या (गट ब) नव्याने रिक्त असलेल्या जागांवरील प्रवेशासाठी राज्य सामायिक प्रवेश परीक्षा (सीईटी) कक्षाने आयुषच्या गट ब अभ्यासक्रमांसाठी एक विशेष केंद्रीयकृत प्रवेश प्रक्रिया (कॅप) फेरी ४ जाहीर केली आहे. सीईटीकडून अशा प्रकारची अतिरिक्त फेरी पहिल्यांदाच सुरू करण्यात आली आहे. यासंबंधीचे परिपत्रक बुधवारी (ता. २६) जारी करण्यात आले. या अभ्यासक्रमांच्या रिक्त राहिलेल्या जागासंदर्भात एका विद्यार्थ्याने मुंबई उच्च न्यायालयात धाव घेतल्यानंतर हा निर्णय घेण्यात आला. दरम्यान, या वर्षीच्या वैद्यकीय प्रवेशाच्या कट-ऑफमध्ये गेल्या वर्षाच्या तुलनेत लक्षणीय घट झाली आहे. सरकारी वैद्यकीय महाविद्यालयांसाठी खुल्या प्रवर्गाचा कट-ऑफ गेल्या वर्षीच्या ६४२ वरून या वर्षी ५०३ गुणांपर्यंत खाली आला आहे.