किनारपट्टीला सुरक्षा कवच

किनारपट्टीला सुरक्षा कवच
बंदर विभाग सक्रिय, सीसीटीव्हीचा वापर
उरण, ता. २७ (वार्ताहर) ः मुंबईमध्ये १७ वर्षांपूर्वीच्या अतिरेकी हल्ल्याच्या पार्श्वभूमीवर सागरी सुरक्षेला प्राधान्य दिले जात आहे. याच अनुषंगाने सागरी सुरक्षेत कोणतीही चूक होऊ नये म्हणून बंदर विभागाने सीसीटीव्हीचा वापर केला आहे.
रायगड, मुंबईसहित राज्याच्या इतर किनारपट्टींचा देशविघातक गोष्टींसाठी वापर केला गेल्याचे अनेकदा उघड झाले आहे. २६/११ला झालेल्या दहशतवादी हल्ल्यानंतर किनारपट्टी, सागरी सुरक्षा, सुरक्षा यंत्रणा चर्चेत आहेत. तसेच झालेला प्रकार पुन्हा घडू नये, यासाठी शासकीय यंत्रणा सतर्क झाल्या आहेत. याच अनुषंगाने बंदर विभागाने सागरी किनारपट्टी तसेच विविध बंदरांच्या सुरक्षेच्या दृष्टीने विविध उपाययोजना केल्या आहेत.
़़़़़़़़़ः----------------------------
बोटींची तपासणी
उरणच्या मोरा बंदरांतून मुंबईकडे जाणाऱ्या प्रवासी बोटींची तसेच समुद्रामधील इतर बोटींची तपासणी करण्यात येत आहे. यामध्ये नौदालाचे कोस्टगार्ड, पोलिस, कस्टम विभाग, बंदर विभाग सहभागी झाल्याची माहिती मोरा बंदर अधिकारी नितीन कोळी यांनी दिली.