विरार पश्चिममध्ये शिवसेना महिला पदाधिकाऱ्यांची नियुक्ती

विरार पश्चिममध्ये शिवसेना महिला पदाधिकाऱ्यांची नियुक्ती
वसई, ता. २९ (बातमीदार) : शिवसेना शिंदे गटाच्या संपर्कप्रमुख रवींद्र फाटक यांच्या कार्यप्रणालीने प्रभावित होऊन विरार पश्चिममधील अनेक महिलांनी शिवसेनेत प्रवेश केला आहे. वसई तालुका संघटक अश्विनी रोहन चव्हाण यांच्या नेतृत्वाखाली या महिलांना शहरातील विविध पदांवर नियुक्त्या देण्यात आल्या.
या नियुक्त्यांमध्ये प्रतिभा खानविलकर यांची उपशहर संघटक, तर भारती पांडे, अर्चना शिर्के, प्रमिला शेलार यांची उपविभाग संघटकपदी नियुक्ती करण्यात आली आहे. याव्यतिरिक्त, मनीषा सोनावणे विभाग संघटक, तर भारती सोलकर, सुचिता कदम आणि सुजाता शेट्टी यांना शाखा संघटक पदाची जबाबदारी देण्यात आली आहे. अश्विनी चव्हाण यांनी विरार पश्चिम येथील त्यांच्या शहर कार्यालयात हा पदनियुक्ती सोहळा आयोजित केला होता. यावेळी विरार शहर संघटक आशा शिरसाट, शहर समन्वयक अनुशा पेनगोंडा, शहर सचिव जान्हवी सांडव व पदाधिकारी उपस्थित होते.