कल्याण पूर्वेतील लोक-हित-वर्धक संघाचे आयोजन

बाबासाहेबांच्या स्मारकासाठी जागा देणाऱ्या भूमिपुत्रांचा सन्मान
कल्याण पूर्वेतील लोक-हित-वर्धक संघाचे आयोजन
कल्याण, ता. २९ (वार्ताहर) : माजी आमदार गणपत गायकवाड यांनी स्थापन लोक-हित-वर्धक संघ या संस्थेबरोबरच डॉ. बाबासाहेब आंबेडकर सार्वजनिक जयंती उत्सव समिती, डॉ. बाबासाहेब आंबेडकर अभिवादन समिती आणि माता रमाबाई जयंती उत्सव समिती या संस्थांच्या संयुक्त विद्यमाने संविधान दिनांनिमित्त गौरव सोहळ्याचे आयोजन करण्यात आले होते. या कार्यक्रमादरम्यान डॉ. आंबेडकर यांच्या पुतळ्याची सर्वात प्रथम मागणी करणारे अरविंद गायकवाड आणि स्मारकासाठी जागा उपलब्ध करून देणारे भुमिपूत्र हरी गायकवाड यांचा सन्मान करण्यात आला.
कार्यक्रमास सहाय्यक पोलिस आयुक्त कल्याण घेटे, पोलिस निरीक्षक गणेश न्हायदे, युवा नेते वैभव गायकवाड, उद्योजक संजय गायकवाड, अमित सोनावणे, माजी नगरसेवक अभिमन्यू गायकवाड, मनोज राय, भीमराव डोळस, रितेश खराटे, अनंता पावशे, दलित मित्र अण्णा रोकडे, देवचंद अंबादे, माजी नगरसेविका हेमलता पावशे, शितल मंढारी, प्रभाग क्षेत्र अधिकारी उमेश यमगर, सविता हिले आणि संजय मोरे, सुभाष म्हस्के, रवि हराळे, हरी भालेराव, सुबोध भारत, रवी देवळे, केतन रोकडे, राजेश अंकुश, अनिल एटम, अविनाश ओंबासे आदी उपस्थित होते.