वाढदिवस साजरा करणे पडला महागात चौघांवरून दाखल

फटाके वाजवून वाढदिवस साजरा करणे महागात
सकाळ वृत्तसेवा
ठाणे, ता. २९ : रात्री बारा वाजल्यानंतर फटाके वाजून वाढदिवस साजरा करणे चार जणांना चांगलेच महागात पडले. याप्रकरणी त्या चौघांविरोधात कोपरी पोलिस ठाण्यात गुन्हा दाखल करण्यात आला आहे. पोलिस आयुक्तांचे मनाई आदेश लागू असताना देखील फटाके वाजवल्याने हा गुन्हा दाखल झाला आहे.
रोहित पिंपळोलकर (गायकवाड) यांचा गुरुवारी (ता. २७) वाढदिवस असल्याने रात्री बारानंतर कोपरी येथील सिध्दार्थनगर साईराम बिल्डींगच्या खाली काही मुले केक कापून फटाके वाजवत होते. ही बाब कोपरी पोलिस ठाण्याचे गस्त पथकाला दिसून आले. तदपूर्वी पोलिसांनी वाढदिवसाचे आयोजकांना सार्वजनिक शांततेचा भंग न करण्याबाबतची नोटीस दिली होती. तरी देखील त्यांच्या कार्यकर्त्यांनी फटाके वाजवून ठाणे शहर पोलिस आयुक्तांच्या आदेशाचे उल्लंघन केले. त्यानुसार कल्पेश अनिल मोरे (२७), सुशांत शशिकांत मोरे (२७), योगेश मनोहर पांचाळ (४०) आणि मयुर सुधाकर नार्वेकर (३७) यांच्याविरोधात गुन्हा दाखल करण्यात आला आहे.