लहान मुलांच्या मनातील डोळयांची भिती दूर

ईशा नेत्रालयाच्या वतीने जनजागृतीपर कार्यक्रम
कल्याण, ता. ३० (वार्ताहर) : लहान मुलांच्या मनातील असलेली डोळयांची भीती दूर करण्यासाठी ईशा नेत्रालय यांच्या वतीने जनजागृती कार्यक्रमाचे आयोजन करण्यात आले होते. कल्याणमधील पियुष डान्स अकादमीच्या वतीने यावेळी नृत्य कार्यक्रम सादर केले.
याप्रसंगी डॉ. पुष्पांजली रामटेके यांनी म्हणाल्या की, डोळ्यांच्या उपचाराबाबत लहान मुले घाबरतात. त्यांना वाटते कि डोळ्याला काही इजा झाल्यास डॉक्टर डोळयामध्ये इंजेक्शन देतात. यामुळे लहान मुले सहजासहजी डोळ्यांच्या रुग्णालयामध्ये जात नाहीत. त्यांच्या मनातील ही भीती दूर करण्यासाठी हा कार्यक्रम आयोजित केला आहे, असे त्यांनी सांगितले.
यावेळी पियुष डान्स अकादमीचे पियुष सेन यांनी सांगितले की, ईशा नेत्रालयाचा कार्यक्रम खूप छान होता. लहान मुलांच्या मनातील डोळयाची भीती या कार्यक्रमातून दूर होईल. मुलांना आठ ते दहा तास झोप घेणे आवश्यक आहे. पालेभाज्या खाणेही गरजेचे आहे. लहान मुलांना मोबाईलपासून दूर ठेवले पाहिजे, असे पियुष सेन यांनी सांगितले.