भटक्या श्नानांच्या प्रेमापोटी पत्रप्रपंच

भटक्या श्वानांच्या प्रेमापोटी पत्रप्रपंच
आदेशाला स्थगिती देण्याची सर्वोच्च न्यायालयाला विनंती
खारघर, ता. २ (बातमीदार) : सार्वजनिक ठिकाणांवरून भटक्या श्वानांना हटवण्यासंदर्भांत सर्वोच्च न्यायालयाने आदेश दिला आहे. या निर्णयाला स्थगिती देण्याची मागणी नवी मुंबई, खारघर परिसरातील जवळपास तीनशे प्राणीप्रेमींनी सर्वोच्च न्यायालयाच्या न्यायाधीशांना पत्र पाठवून केली आहे. श्वानदंशाच्या घटनांमध्ये वाढ झाल्याचे निरीक्षण नोंदवताना सर्वोच्च न्यायालयाने शैक्षणिक संस्था, रुग्णालय, क्रीडा संकुले, बसस्थानके, रेल्वेस्थानके अशा सार्वजनिक ठिकाणांवरून लसीकरण, निर्बीजीकरणावर भर दिला आहे. आश्रय केंद्रामध्ये हलवण्याची जबाबदारी स्थानिक स्वराज्य संस्थांची असल्याचे आदेश सर्वोच्च न्यायालयाने ७ नोव्हेंबरला दिले आहेत. या आदेशाचा पुनर्विचार करून स्थगिती द्यावी, अशी विनंती करणाऱ्या तीनशे प्राणीप्रेमींनी ‘इंडिया राइट्स फॉर अ‍ॅनिमल राइट्स’ या शीर्षकाखाली सर्वोच्च न्यायालयाला पत्र पाठवले आहे.
-----------------------------
हितसंबंधांना बाधा
सध्याच्या दृष्टिकोनामुळे मानव, प्राण्यांच्या हितसंबंधांमध्ये अनावश्यक दरी निर्माण होण्याचा धोका आहे. ७ नोव्हेंबरच्या आदेशाला स्थगिती देण्यात यावे, असे पत्र दिल्याचे खारघरमधील प्राणीप्रेमी सीमा टांक यांनी सांगितले.