विजेचा धक्का लागून चिमुकल्याचा मृत्यू

कासा, ता. २ (बातमीदार) : डहाणू शहरातील वडकून दामूपाडा येथे निष्काळजीमुळे पाचवर्षीय चिमुकल्याचा विजेचा धक्का लागून मृत्यू झाल्याची घटना घडली. याप्रकरणी डहाणू पोलिसांनी तलावाची देखभाल करणाऱ्याविरोधात डहाणू पोलिस ठाण्यात गुन्हा दाखल केला आहे.

२९ नोव्हेंबर रोजी दुपारी ३ वाजता अरुण प्रदीप कुमार हा घराशेजारील मच्छी तलावाजवळ खेळत होता. तलावाची जबाबदारी सांभाळणारा राहुल माच्छी (रा. वडकून) हा तलावातील माशांना आवश्यक ऑक्सिजन मिळावे, म्हणून पाण्यात ऑक्सिजनपुरवठा करत होता, मात्र वापरात असलेली विजेची तार त्याने उघड्या अवस्थेत सोडल्याने ही दुर्घटना घडली. खेळता खेळता अरुणचा हात त्या वायरला लागला आणि विजेचा तीव्र धक्का बसून त्याचा जागीच मृत्यू झाला.