अतिक्रमण मुक्तीचा निर्धार

अतिक्रमण मुक्तीचा निर्धार
बाजार समितीकडून पथकाची नियुक्ती
तुर्भे, ता. २ (बातमीदार) : मुंबई कृषी उत्पन्न बाजार समितीमध्ये बेकायदा बांधकामे, अतिक्रमण, बेकायदेशीर टपऱ्यांवर अंकुश ठेवण्यासाठी बाजार समिती सचिवांनी कंबर कसली आहे. याच अनुषंगाने अतिक्रमण नियंत्रण पथक तयार करण्यात आले आहे.
बाजार समितीच्या पाच प्रमुख बाजारामध्ये अनेक ठिकाणी बेकायदा बांधकामे आहेत. २०१९ पासून आतापर्यंत ३०० बेकायदा बांधकामे असल्याची माहिती आहे. बाजार समितीचे स्वतंत्र पथक नसल्याने अनेकदा महापालिकेने बाजार समितीच्या आत कारवाई केलेली आहे. भाजी फळ मार्केटप्रमाणे मसाला बाजारात सध्या मोठ्या प्रमाणात अशी बांधकाम सुरू आहेत. गाळा दुरुस्तीच्या नावाने दुमजली बांधकाम केले जात आहे. तसेच बाजार आवारात स्टॉल, हॉटलधारकांचे अतिक्रमण वाढले आहे. त्यामुळे कृषी समितीच्या सचिवांनी पाच सदस्यांचे पथक नेमले आहे. या पथकावर बेकायदा बांधकामांचे सर्वेक्षण करणे, गाळे, शेड, व्यापाऱ्यांना वाटप केलेल्या जागांचा बेकायदेशीर वापर, वाढीव बांधकामांच्या अहवालाची जबाबदारी आहे.
---------------------------
पथकातील सदस्य
- मंदार साळवी - सहसचिव (पथक प्रमुख)
- के. के. रासकर- सहाय्यक मुख्य सुरक्षा अधिकारी
ृ- पी. के. पिंगळे -उपअभियंता
- बी. पी. पाटील - वरिष्ठ लिपिक (मालमत्ता विभाग)
- अक्षता देवणे - सहा. महिला वैद्यकीय अधिकारी