सरस्वती पवार यांचे निधन

सरस्वती पवार यांचे निधन
भिवंडी, ता. २ (वार्ताहर) : भिवंडी शहरातील समाजसेवक आणि उद्योगपती, माजी नगरसेवक साईनाथ पवार यांच्या मातोश्री तथा भिवंडीभूषण स्व. रंगराव विठोबा पवार यांच्या पत्नी सरस्वती पवार (वय ७२) यांचे मंगळवारी (ता. २) सकाळी हृदयविकाराच्या झटक्याने राहत्या घरी निधन झाले. त्यांच्या निधनाचे वृत्त समजताच शहरातील राजकीय, सामाजिक आणि औद्योगिक क्षेत्रातील अनेक मान्यवरांनी कामतघर, भारत कॉलनी येथील निवासस्थानी धाव घेऊन अंत्यदर्शन घेतले. त्यांच्या पश्चात दोन मुले, चार मुली, सुना, जावई आणि नातवंडे असा मोठा परिवार आहे. त्यांच्या पार्थिवावर मंगळवारी रात्री गौरीपाडा येथे अंत्यसंस्कार करण्यात आले. यावेळी त्यांना अखेरचा निरोप देण्यासाठी नागरिक मोठ्या संख्येने उपस्थित होते.