दत्त जयंतीचा खारघरमध्ये सोहळा

खारघरमध्ये दत्तजयंतीचा सोहळा
खारघर (बातमीदार) : सेक्टर ११मधील हनुमान मंदिर परिसरात श्री दत्त जन्मोत्सव सोहळा होणार आहे. यानिमित्ताने सायंकाळी ६ वाजता दत्त जन्मोत्सव, ७ वाजता महाप्रसाद होणार आहे. त्यामुळे भक्तांनी मोठ्या संख्येने लाभ घ्यावा, असे आवाहन करण्यात आले आहे.
दत्त गगनगिरी भक्त मंडळ खारघरच्या वतीने सेक्टर १२मधील दत्त मंदिरात श्री दत्तजयंती महोत्सव होणार आहे. सकाळी काकड आरती, अभिषेक, पालखी मिरवणूक, दुपारी ३ वाजता मीराताई भुईंज यांचे कीर्तन तर रात्री ८ वाजता विकास काळे यांचा बासरी वादन कार्यक्रम, महाप्रसाद आदी कार्यक्रमांची रेलचेल आहे. या सोहळ्यात खारघरवासीयांनी मोठ्या संख्येने सहभागी व्हावे, असे आवाहन श्री दत्त गगनगिरी भक्त मंडळाने केले आहे.