स्कुल बसचालकांची वैद्यकीय तपासणी

स्कूल बसचालकांची वैद्यकीय तपासणी
पनवेल (बातमीदार) ः नवीन पनवेल वाहतूक शाखेतर्फे स्कूल बसचालक-मालकांची वैद्यकीय तपासणी करण्यात आली. नवी मुंबई वाहतूक शाखेचे पोलिस उपआयुक्तांच्या मार्गदर्शनाखाली हा उपक्रम करण्यात आला. या शिबिरामध्ये उंची, वजन, रक्तदाब, शुगर, ईसीजी, सीबीसी तपासणी, डोळे तपासणीसह इतर प्रकारच्या तपासणी करण्यात आल्या. नवीन पनवेल वाहतूक शाखेतील २० पोलिस अधिकारी, अंमलदार तसेच स्कूल बसचालक-मालक यांच्या वैद्यकीय तपासणी या वेळी करण्यात आल्या. या कार्यक्रमात लायन्स क्लब पनवेलचे अध्यक्ष सुरभी पेणसे, ज्योती देशमाने, मेडिकव्हर हॉस्पिटल, नवी मुंबई डॉ. साकेत जहा, प्रकाश सकपाळ, पोलिस हवालदार जितेंद्र कदम, ज्ञानेश्वर वाघ, सहाय्यक फौजदार किशोर लाड आदी उपस्थित होते.