लग्नाच्या भूलथापातून महिलेवर अत्याचार

लग्नाच्या भूलथापातून महिलेवर अत्याचार
उरण पोलिसांकडून आरोपीविरोधात गुन्हा दाखल
नवी मुंबई, ता. ३ (वार्ताहर) : उरणच्या शेलघर गावातील ३९ वर्षीय व्यक्तीने विवाहित महिलेवर लग्नाच्या भूलथापा देऊन वर्षभर अत्याचार केला. तसेच पीडित महिलेकडून महागड्या वस्तू, रोख रकमेसह १२ लाख ३५ हजार रुपये घेतले असल्याची धक्कादायक माहिती समोर आली आहे.
पीडित महिलेचे आरोपीसोबत काही काळापासून प्रेमसंबंध होते. याच संबंधाचा गैरफायदा घेत आरोपीने नोव्हेंबर २०२४ पासून ते नोव्हेंबर २०२५ या काळात पीडित महिलेच्या घरी जाऊन लग्नाची खोटी आश्वासने दिली होती. या वेळी दोघांमध्ये अनेक वेळा जबरदस्तीने शरीरसंबंध झाले. आरोपीने पीडितेकडून वेळोवेळी महागड्या वस्तू आणि रोख रक्कम अशी १२ लाख ३५ हजार रुपये घेतले होते. या प्रकरणात आरोपीविरोधात बलात्कार, अपहार, फसवणूक आणि पोक्सो कायद्यान्वये उरण पोलिसांनी गुन्हा दाखल करून अटक केली आहे.
-------------------------
अल्पवयीन मुलीवर अत्याचार
आरोपीने पीडित महिलेच्या अल्पवयीन मुलीवरही लैंगिक अत्याचार केला होता. तसेच भांडाफोड होऊ नये, यासाठी पीडित महिला, तिच्या मुलीला जीवे ठार मारण्याची धमकी दिली. अखेर पीडित महिलेने उरण पोलिस ठाण्यात धाव घेऊन तक्रार दाखल केली.