ऐरोलीत भिमज्योत रॅलीद्वारे अभिवादन

ऐरोलीत भीमज्योत रॅलीद्वारे अभिवादन
नवी मुंबई, ता. ७ (वार्ताहर) : विश्वभूषण डॉ. बाबासाहेब आंबेडकर यांच्या ६९व्या महापरिनिर्वाण दिनानिमित्त ऐरोलीत भीमज्योत रॅली काढण्यात आली. या रॅलीमध्ये ऐरोलीतील हजारो बौद्धबांधव सहभागी झाले होते.
जेतवन सामाजिक संस्था तसेच विविध बौद्ध विहारांचे पदाधिकारी डॉ. पी. एस. गौतम, आप्पासाहेब शिवशरण, प्रा. व्यंकट माने, बाळासाहेब डोळस यांच्या पुढाकाराने भीमज्योत रॅली काढण्यात आली होती. ऐरोली सेक्टर दोनमधील तक्षशिला बुद्ध विहार येथून ही रॅली ऐरोलीतील बुद्ध विहार, जयभीम स्तंभांना अभिवादन करून नवी मुंबई पालिकेच्या भारतरत्न डॉ. बाबासाहेब आंबेडकर स्मारकाकडे मार्गस्थ झाली. या वेळी ऐरोली सेक्टर सहा येथील नालंदा विपश्यना केंद्र येथून सुरू झालेल्या दुसऱ्या रॅलीची सांगता भारतरत्न डॉ. बाबासाहेब आंबेडकर स्मारक येथे करण्यात आली.