ऑनलाइन गुंतवणुकीच्या नादात गंडा

ऑनलाइन गुंतवणुकीच्या नादात गंडा
नवी मुंबई, ता.७ (वार्ताहर) : वाशीतील ७१ वर्षीय ज्येष्ठ नागरिकाला ऑनलाइन शेअर ट्रेडिंगच्या प्रलोभनातून १ कोटी ६० लाख ५० हजारांची फसवणूक झाली आहे. याप्रकरणी नवी मुंबई सायबर पोलिसांकडे गुन्हा नोंदवण्यात आला आहे.
पीडित ज्येष्ठ नागरिकांला ‘एनबी एलिफंट बुल्स ८०३’ या व्हॉट्सअॅप ग्रुपमध्ये जोडण्यात आले होते. ग्रुपमधील सदस्य मोठ्या नफ्याचे स्क्रीनशॉट, प्रतिक्रिया पाठवल्याने त्यांनी ट्रेडिंग करण्याचा निर्णय घेतला. यावेळी त्यांनी एका लिंकद्वारे ‘एनबी ट्रस्टेड पार्टनर’ बनावट ट्रेडिंगसारखे अॅप उघडले होते. त्यातील कृत्रिम नफाच्या प्रलोभनातून ज्येष्ठ नागरिकांनी १.६० कोटी रुपये जमा केले. मात्र, रक्कम परत मागितल्यावर दिव्या महिलेने अधिक पैसा भरण्याचा दबाव आणला. संशय आल्यावर तपास घेतल्यावर नंबर, अॅप आणि वेबसाइट सर्व बनावट असल्याचे लक्षात आल्याने तक्रार केली.