उरण पोलिसांचा खडा पहारा

उरण पोलिसांचा खडा पहारा
ईव्हीएम स्ट्राँग रूम २४ तास निगराणीखाली
उरण, ता. ८ (वार्ताहर)ः नगर परिषदेच्या निवडणुकीची मतमोजणी २१ डिसेंबरला होणार आहे. त्यामुळे ईव्हीएम मशीन नगर परिषदेच्या प्रशासकीय भवनातील सभागृहातील स्ट्राँग रूममध्ये ठेवण्यात आल्याने पोलिसांना खडा पहारा देण्याची वेळ आली आहे.
उरण नगर परिषदेचा नगराध्यक्ष, नगरसेवकपदाच्या मतदानाचा निकाल २१ डिसेंबरपर्यंत लांबणीवर गेला आहे. त्यामुळे या ईव्हीएम मशीनवर चोख बंदोबस्त ठेवण्याची जबाबदारी निवडणूक निर्णय अधिकारी, पोलिसांवर आहे. त्यामुळे ईव्हीएम मशीन ठेवलेल्या खोलीच्या बाहेर नवी मुंबई पोलिसाचा एक अधिकारी, १० कर्मचारी तर राज्य राखीव पोलिस बलाचे २४ कर्मचारी, एक अधिकारी असा पोलिस बंदोबस्त तैनात आहे. तसेच सहा ठिकाणी सीसीटीव्ही कॅमेरे बसवण्यात आल्याची माहिती निवडणूक निर्णय अधिकारी डॉ. उद्धव कदम यांनी दिली आहे.