नेरूळमध्ये ''सक्षम नारी पिंक रेवोल्युशन रन''

नेरूळमध्ये ‘सक्षम नारी पिंक रेवोल्युशन रन’
नेरूळ, ता. ९ (बातमीदार) ः नेरूळ जिमखाना येथे ‘सक्षम नारी पिंक रेवोल्युशन रन’ रविवारी (ता. १४) होणार आहे. राष्ट्रवादी अजित पवार गटाच्या नवी मुंबई जिल्हा उपाध्यक्षा देवकी शिंदे यांच्यातर्फे या रनचे आयोजन करण्यात आले आहे. नेरूळ जिमखाना येथून रविवारी सकाळी सहा वाजता ही मॅरेथॉन सुरू होणार आहे. या मॅरेथॉनमध्ये तीन किमी व पाच किमी असे दोन टप्पे असणार आहेत. यासाठी महिलांना आगाऊ नोंदणी करायची आहे. विजेत्यांना विशेष पारितोषिके मिळणार असून यास प्रत्येक सहभाग घेणाऱ्यास पदक व प्रशस्तिपत्रक मिळणार आहे. यासह टी-शर्ट, बीब नंबर, ब्रेकफास्ट, सेल्फी पॉइंट, झुंबादेखील असणार आहे. महिलांच्या सक्षमीकरणासाठी देवकी शिंदे सातत्याने कार्यरत असतात.