‘सनबर्न फेस्टिवल’ला विरोध

‘सनबर्न फेस्टिवल’ला विरोध
रद्द करण्याच्या मागणीसाठी नेरूळमध्ये आंदोलन
तुर्भे, ता. ९ (बातमीदार) : शिवडी येथे १९ ते २१ डिसेंबरदरम्यान होणारा ‘सनबर्न फेस्टिवल’ पुन्हा वादात सापडला आहे. या कार्यक्रमांमध्ये यापूर्वी अमली पदार्थांचे अतिसेवन, युवकांचे मृत्यू असे प्रकार झाल्याने नवी मुंबईतून विरोध होत आहे.
नशेविरोधी संघर्ष अभियानाच्या वतीने नेरूळ रेल्वे स्थानकाबाहेर युवक, राष्ट्रप्रेमी नागरिकांनी आंदोलन करत विरोध केला. या वेळी आंदोलनात युवक आणि राष्ट्रप्रेमी नागरिक यांसह राष्ट्रीय स्वयंसेवक संघ, विश्व हिंदू परिषद, भाजप, बजरंग दल, माता अमृतानंदमयी मठ नेरूळ, सनातन संस्था, हिंदू जनजागृती समितीचे पदाधिकारी यांनी सहभाग घेतला. ‘सनबर्न हटवा-देश वाचवा’, ‘भारत माता की जय’, ‘वंदे मातरम्’, ‘छत्रपती शिवाजी महाराज की जय’ अशा घोषणा या वेळी आंदोलनात देण्यात दिल्या. या वेळी स्वाक्षरी मोहीम राबवण्यात आली.