जप्त केलेल्या जहाजाचा लिलाव

जप्त केलेल्या जहाजाचा लिलाव
नवी मुंबई, ता. १० (वार्ताहर) : वाशी पोलिसांनी २०१७ मध्ये फसवणुकीच्या गुन्ह्यात जप्त केलेल्या जहाजाच्या भागाचा न्यायालयाच्या आदेशानुसार शनिवारी (ता. १३) लिलाव होणार आहे. इच्छुकांनी लिलावात सहभागी व्हावे, असे आवाहन करण्यात आले आहे.
वाशी पोलिसांनी २०१७ मध्ये एका फसवणूकीच्या गुन्ह्यात सात फूट लांबीचा, एक फूट रुंदीचा आणि अंदाजे ९०० किलो वजनाचा मिश्र धातूचा कॅन्क शाफ्ट हा जहाजाचा महत्त्वाचा भाग जप्त केला होता. वाशी पोलिस ठाण्याच्या आवारातील हा कॅन्क शाफ्ट घेण्यासाठी कोणीही पुढे आलेला नाही. त्यामुळे या वस्तूचा लिलाव करण्यासाठी बेलापूर प्रथम वर्ग न्यायदंडाधिकारी, ५ वे न्यायालयाने परवानगी दिली आहे. वरिष्ठ पोलिस निरीक्षक शशिकांत चांदेकर यांच्या उपस्थितीत लिलावाची प्रक्रिया राबविण्यात येणार आहे.