मेट्रो २अ तसेच ७ची तिकिट आता १४ ॲपवर उपलब्ध

मेट्रो २अ तसेच ७चे तिकीट आता १४ ॲपवर उपलब्ध
मुंबई, ता. १० : मुंबईकरांसाठी आता मेट्रो लाइन २अ आणि ७ चा प्रवास आणखी सुलभ होणार आहे. मेट्रो प्रशासनाने या मार्गिकेवर प्रवास करण्यासाठी आवश्यक असलेले क्यूआर-आधारित तिकीट तब्बल १४ पेक्षा जास्त मोबाईल ॲपद्वारे खरेदी करण्यासाठीची सुविधा उपलब्ध करून दिली आहे. त्यामुळे प्रवाशांना मोठा दिलासा मिळणार आहे. मेट्रो २अ व ७ या मार्गिकांसाठीची मोबाईल क्यूआर तिकीट मोठ्या प्रमाणात घेतली जात असून, यापुढे ओपन नेटवर्क फॉर डिजिटल कॉमर्सच्या (ओएनडीसी) माध्यमातून ही तिकीट १४ हून अधिक कन्झ्युमर-फेसिंग ॲप्लिकेशन्सवर उपलब्ध होणार आहेत. मुख्यमंत्री देवेंद्र फडणवीस यांच्या हस्ते बुधवारी (ता. १०) या उपक्रमाची सुरुवात करण्यात आली. कन्फर्म तिकीट, इझी ट्रीप, हायवे डिलाइट, झीगो ट्रेन्स, माईल्स ॲण्ड किलोमीटर, नवी युपीआय, वन तिकीट, रेड बस, रेड रेल आदी १४ ॲपवर आता मेट्रोचे तिकीट काढता येणार आहे.