प्रदूषणकारी कंपनीवर कारवाई करा

प्रदूषणकारी कंपनीवर कारवाई करा
आमदार विनोद निकोले यांचे पर्यावरणमंत्र्यांना निवेदन
तारापूर, ता. ११ (बातमीदार) ः सरावली येथील सर्वे क्रमांक ५५ वरील प्रदूषण कंपनीवर कारवाईसाठी डहाणूचे आमदार कॉम्रेड विनोद निकोले यांनी पर्यावरण व वातावरण बदल मंत्री पंकजा मुंडे यांना निवेदन दिले आहे.
सरावली येथील गो ग्रीन इकोटेक सोल्युशन कंपनी घातक रासायनिक घनकचऱ्यावर नियमबाह्यपणे प्रक्रिया करण्याचे काम करते. त्याचप्रमाणे कंपनीने जिल्हा प्राधिकरणाची बांधकाम परवानगीशिवाय इमारतीचे बेकायदा बांधकाम केले आहे. कंपनी पुनर्प्रक्रिया रासायनिक घनकचऱ्याची बेकायदा विल्हेवाट लावत असल्याने दुर्गंधी, प्रदूषण, दूषित पाणी अशा समस्यांना ग्रामस्थांना तोंड द्यावे लागत आहे. या कंपनीविरोधात प्रदूषण नियंत्रण मंडळाकडे वारंवार तक्रारी करून कारवाई होत नसल्याने आमदार निकोले यांनी हिवाळी अधिवेशनात कारवाईसाठी लक्षवेधी सूचना केली. याप्रकरणी संबंधित कंपनीची चौकशी सुरू असल्याची माहिती महाराष्ट्र प्रदूषण तारापूर मंडळ दोनचे अधिकारी वीरेंद्र सिंग यांनी दिली आहे.