आर्टी’मार्फत दहा हजार अर्थसाह्य योजना

‘आर्टी’मार्फत अर्थसहाय्य योजना

चेंबूर, ता. ११ (बातमीदार) ः महाराष्ट्र लोकसेवा आयोगाच्या (एमपीएससी) ‘वनसेवा मुख्य परीक्षा-२०२४’ उत्तीर्ण झालेल्या अनुसूचित जातीच्या मातंग व त्यातील तत्सम उमेदवारांना मुलाखतीच्या तयारीसाठी अण्णा भाऊ साठे संशोधन व प्रशिक्षण संस्था (आर्टी)मार्फत दहा हजार रुपये आर्थिक सहाय्य योजना जाहीर करण्यात आली आहे. या योजनेसाठी पात्र असलेल्या उमेदवारांना १० हजारांचे एकरकमी आर्थिक सहाय्य देण्यात येणार आहे. त्यासाठी मुलाखती पात्र झालेल्या उमेदवारांनी लाभ घेण्याचे आवाहन आर्टीचे व्यवस्थापकीय संचालक सुनील वारे यांनी केले आहे. या संदर्भातील सविस्तर जाहिरात आणि ऑनलाइन अर्ज भरण्याची प्रक्रिया आर्टीच्या अधिकृत संकेतस्थळावर प्रसिद्ध करण्यात आली आहे.