माजी भारतीय कामगार सेना पदाधिकारी मनोकरन सुंदरम यांचे निधन...

मनोकरन सुंदरम यांचे निधन
मालाड, ता. १६ (बातमीदार) ः भारतीय कामगार सेनेचे माजी ज्येष्ठ पदाधिकारी मनोकरन सुंदरम यांचे वयाच्या ७०व्या वर्षी हृदयविकाराच्या झटक्याने सोमवारी (ता. १५) निधन झाले. अक्‍सा येथील द रिसॉर्ट पंचतारांकित हॉटेलमधील भारतीय कामगार सेनेच्या युनिटचे ते माजी अध्यक्ष होते. दहिसर येथील त्यांच्या राहत्या घरी त्‍यांनी अखेरचा श्‍वास घेतला. त्यांच्या पश्चात पत्नी व एक मुलगा असा परिवार आहे. दहिसर येथील स्मशानभूमीत शोकाकुल वातावरणात त्‍यांच्यावर अंत्‍यसंस्‍कार करण्यात आले. जवळपास २५ वर्षे ते द रिसॉर्ट युनिटमध्ये अध्यक्ष म्हणून कार्यरत होते. निवृत्तीनंतरही ते माजी कर्मचाऱ्यांच्या सतत संपर्कात होते.