कोकण विभागीय खुली एकांकिका स्पर्धा

कोकण विभागीय खुली एकांकिका स्पर्धा

मुंबई, ता १६ : मालवणी भाषेला मराठी रंगभूमीवर सशक्त, धारदार आणि जागतिक दर्जाची ओळख मिळवून देणारे ज्येष्ठ साहित्यिक व रंगकर्मी कै. गंगाराम गव्हाणकर यांच्या स्मृतिप्रीत्यर्थ कोकण विभागीय खुली एकांकिका स्पर्धेचे आयोजन करण्यात आले आहे. गव्हाणकर फॅन क्लब आणि अखिल भारतीय भंडारी समाज महासंघ यांच्या संयुक्त विद्यमाने होणारी ही स्पर्धा मुंबई, नवी मुंबई, ठाणे, पालघर, रायगड, रत्नागिरी आणि सिंधुदुर्ग या कोकण विभागातील सातही जिल्ह्यांसाठी खुली आहे.
स्पर्धेच्या प्राथमिक फेरीचे जिल्हावार वेळापत्रकसुद्धा जाहीर करण्यात आले असून, सिंधुदुर्ग जिल्ह्यासाठी प्राथमिक फेरी ३ जानेवारी २०२६, तर रत्नागिरी जिल्ह्यासाठी ४ जानेवारी २०२६ रोजी आयोजित करण्यात येणार आहे. मुंबई, नवी मुंबई, ठाणे, पालघर आणि रायगड या जिल्ह्यांसाठी संयुक्त प्राथमिक फेरी १० आणि ११ जानेवारी २०२६ रोजी होणार आहे. स्पर्धेची अंतिम फेरी १६ जानेवारी रोजी मुंबईत होणार आहे. या भागांतील हौशी व व्यावसायिक रंगकर्मी, नवोदित कलाकार तसेच लेखक-दिग्दर्शक यांना या स्पर्धेत सहभागी होता येणार आहे. स्थानिक बोलींचे संवर्धन आणि सामाजिक जाणिवांचे कलात्मक रूपांतर हा या स्पर्धेचा मुख्य उद्देश आहे.