केळवेत वासरावर बिबट्याचा हल्ला

केळवेत वासरावर बिबट्याचा हल्ला
पालघर, ता. १६ ः झांजरोळी धरण परिसरातील लार पाडा परिसरातील गोठ्यातील वासराला बिबट्याने हल्ला करून गंभीर जखमी केले आहे. या घटनेमुळे केळवे रोड पूर्व भागात बिबट्या असण्याची शक्यता वन विभागाने वर्तवली आहे
या भागात यापूर्वीही बिबट्याने कोंबड्यांवर हल्ले केल्याच्या घटना घडल्या आहेत. धरण परिसर असल्यामुळे पाणी पिण्यासाठी पानवट्यांवर बिबटे येण्याची शक्यता असल्याचे वन अधिकाऱ्यांचे म्हणणे आहे. या पार्श्वभूमीवर वन विभागाने परिसरात गस्त वाढवावी तसेच बिबट्याच्या हालचालींवर लक्ष ठेवावे, अशी मागणी ग्रामस्थांकडून करण्यात येत आहे, तर वन अधिकारी रीता वैद्य यांना या भागात कोणीही बिबट्या पाहिला नसला तरी त्याच्या पायाचे ठसे मिळते जुळते आहेत. तसेच वासरावर केलेला हल्ला बिबट्याने केला असावा, अशी शक्यता आहे.