क्रीडा सप्ताहानिमित्त सायन येथे कराटे व किक बॉक्सिंग स्पर्धा

१५० खेळाडूंचा सहभाग
सायन येथे कराटे व किक बॉक्सिंग स्पर्धा

शिवडी, ता. १६ (बातमीदार) : गुरुकुल कृती फाउंडेशन ट्रस्ट आणि शितोरियू स्पोर्ट्स कराटे अँड किक बॉक्सिंग असोसिएशन यांच्या संयुक्त विद्यमाने कराटे व किक बॉक्सिंग स्पर्धा पार पडल्या. या स्पर्धेत मुंबई शहरातील सुमारे १५० खेळाडूंनी सहभाग नोंदवला.
क्रीडा सप्ताहानिमित्त जिल्हा क्रीडा अधिकारी कार्यालय, मुंबई शहर यांच्या मार्फत विविध क्रीडा स्पर्धा व उपक्रमांचे आयोजन करण्यात आले असून, त्याचाच एक भाग म्हणून या स्पर्धांचे आयोजन जोगळेकरवाडी बीएमसी स्कूल, सायन येथे केले होते. कराटे स्पर्धेमध्ये खेळाडूंनी काता आणि कुमिते प्रकारांमध्ये आपली कौशल्ये सादर केली. किक बॉक्सिंग स्पर्धेत लाईट कॉन्टॅक्ट, पॉइंट फाइट आणि किक लाइट या प्रकारांत खेळाडूंनी उत्स्फूर्त सहभाग नोंदवला.
या वेळी प्रशिक्षक उमेश मुरकर, विघ्नेश मुरकर, विंस पाटील, अश्विनी जांबळे, सनिकेत साळस्कर, सांप्रती पाटील, राहुल साळुंखे, भूपेश वैती, आफताब खान, आशीष महाडिक, अलोक ब्रीद, सय्यद अफ्फान, महेश जाधव आदी मान्यवर उपस्थित होते.

ब्लॅक बेल्ट वितरण

कार्यक्रमादरम्यान शितोरियू स्पोर्ट्स कराटे अँड किक बॉक्सिंग असोसिएशनच्या वतीने ब्लॅक बेल्ट वितरणाचा समारंभही पार पडला. प्राप्ती रेडेकर, काशीश जैसवार, अश्विनी जांबळे, मानसी पटवा, निधी विश्वकर्मा, सॅम्युअल नगारे, स्वराज मोरे आणि राजीव राजेश यांना ब्लॅक बेल्ट प्रदान करून गौरविण्यात आले.