अल्‍पवयीन मुलीवर लैंगिक अत्‍याचार

अल्‍पवयीन मुलीवर लैंगिक अत्‍याचार
अंधेरी, ता. १७ (बातमीदार) ः १५ वर्षांच्या अल्पवयीन मुलीवर तिच्याच १६ वर्षांच्या मित्राने लैंगिक अत्याचार केल्याची घटना मालाड परिसरात उघडकीस आली आहे. याप्रकरणी आरोपी मित्राविरुद्ध बांगुरनगर पोलिसांनी लैंगिक अत्याचारासह पोक्सो कलमांतर्गत गुन्हा दाखल केला आहे.
त्याला पाहिजे आरोपी दाखविण्यात आले असून, अटकेनंतर त्याला बालसुधारगृहात पाठविले जाणार आहे. पीडित मुलगी मालाड परिसरात कुटुंबीयांसोबत राहते. २२ नोव्हेंबरला दुपारी दोन ते अडीचच्या सुमारास आरोपी मित्र तिच्या घरी गेला होता. घरात कोणीही नसल्याची संधी साधून त्याने तिच्यावर लैंगिक अत्याचार केला होता. तिला त्रास होऊ लागल्याने ती शताब्दी रुग्णालयात गेली असता हा प्रकार उघडकीस आला. तक्रादारांच्या जबाबावरून बांगुरनगर पोलिसांनी आरोपी मुलाविरुद्ध बांगुरनगर पोलिसांत तक्रार केली होती. तक्रारीनंतर त्याच्याविरुद्ध पोलिसांनी लैंगिक अत्याचारासह पोक्सो कलमांतर्गत गुन्हा दाखल केला आहे.